Servizos
Estou agradecida de poder dedicarme a aquilo no que puxen tanto esforzo durante os últimos anos, a través da miña formación como psicóloga, psicosexóloga e terapeuta, que me habilitan para acompañar ás persoas coa maior responsabilidade e compromiso. Para iso, continúo formándome, retroalimentandome con outras persoas profesionais e aprendendo diariamente das persoas que acoden á miña consulta, así como de charlas de educación sexual en centros educativos e a profesionais que continúo impartindo.
Terapia psicosexolóxica
Este servizo baséase no acompañamento ás persoas en terapia sexual, terapia relacional e terapia de parella, desde unha perspectiva afirmativa e respecto á diversidade. Dirixido a persoas de todos os rangos de idade, sempre que sexan maiores de 18 anos. Ofrezo os meus servizos en castelán e o galego, as miñas dúas linguas maternas.
Educación sexual e divulgación sexolóxica
A educación sexual pódese realizar desde a máis temperá idade, por iso ofrécese aos diferentes niveis educativos, desde infantil e primaria ata educación secundaria obrigatoria e bacharelato. Tamén se oferta formación profesional ou formación universitaria, así como para profesionais, familias, AMPAS, entidades de ámbito social ou grupos creados por iniciativas colectivas.